Солонго-2018 Цагаан сарын концертын зураг авалтыг шууд дамжуулна

Солонго-2018 Цагаан сарын концертын зураг авалтыг шууд дамжуулах гэж байна.

Саруул ирээдүйтэй шинэ эриний солонгон эгшиг
Сайны ерөөлтэй сар шинийн уянган түрлэг
   Солонго-2018 хятад, монголын интернэт сүлжээний цагаан сарын концертын зураг авалт энэ орой буюу 02 дугаар сарын 02-ны 19:30 цагт Өвөр Монголын Урлагийн театрын хөгжмийн тэнхимд болно.


Концертод хятад, монгол хоёр улсын залуу уран бүтээлчид уран бүтээлээ сонирхуулж, интернэт сүлжээгээр шууд холбогдох,  ахуй талбай дахь үзэгчидтэйгээ шууд харилцан ярих бөгөөд интернэт сүлжээгээр шууд нэвтрүүлэг хийж, И Жи Бо шууд нэвтрүүлэг, Солонго сүлжээ булан facebook, Монгол Улсын MGLnews.mn  сүлжээ, Синхуа кирил сүлжээ, Хятадын Олон Улсын Радиогийн сайт, Хөлөг сүлжээ, Өвөр Монголын Өдрийн сонин (хятад, монгол хэвлэл)-ийн Вичат тавцан, Хятад улсын монгол хэлний сүлжээ зэрэг хятад, монгол хоёр улсын арав гаруй интернэт сүлжээний мэдээллийн хэрэгслээр дамжуулан цацах гэж байна.
Өвөр Монголын Өөртөө Засах Орны Засгийн ордны сонин мэдээний алба, Өвөр Монголын Өдрийн сонин, Монгол Улсаас Хөххотод суугаа Ерөнхий Консулын газраас санаачилж, Өвөр Монголын Солонго мэдээллийн төв, Монгол Улсын NTN телевиз, Монгол Улсын MGLnews.mn сайт хамтран зохион байгуулж байгаа юм. Үзэгч та доорх бар кодыг уншуулан нэвтэрч энэхүү концертын зураг авалтын явцыг шууд хүлээн авч үзээрэй.


Цагаан сарын баярын үеэр концертыг Өвөр Монголын Монгол одон телевиз болон Монгол Улсын NTN телевизээр нэвтрүүлэх болно. Монгол Улсын NTN телевизээр нэвтрүүлэх цаг: 2018.02.15-ны өдрийн 18:00 цагт (Давтан нэвтрүүлэх цаг: 2018.02.16-ны өдрийн 13: 00 цагт)

                       Э.ҮРЖИНХАНД

 

 

 

Найруулагч:Солонго мэдээллийн төв
Эх сурвалж:Солонго мэдээллийн төв
Мэдээ үзсэн:498
Зохиогчийн эрх хуулиар хамгаалагдсан. Мэдээлэл хуулбарлах хориотой